ಹಿಂದೂ ರಾಷ್ಟ್ರ ನಮ್ಮ ಗುರುತು. ನಮ್ಮನ್ನು ಒಗ್ಗೂಡಿಸುವ ಭಾವನೆ. ಹಿಂದೂ ರಾಷ್ಟ್ರ ಯಾವುದೇ ಭೌಗೋಳಿಕ ಮಿತಿಯನ್ನು ತೋರಿಸುವ ಸಂಕುಚಿತ ವಿಚಾರಧಾರೆ ಅಥವಾ ಕಲ್ಪನೆಯಲ್ಲ. ಈ ದೇಶದ ಜನರ ಸಂಸ್ಕೃತಿ, ಸಭ್ಯತೆ, ಸಂಪ್ರದಾಯ, ಇತಿಹಾಸ, ಧರ್ಮ, ಸಾಹಿತ್ಯ, ಕಲೆ ಮತ್ತು ರಾಜಕೀಯ ಇವಲ್ಲೆವೂ ಇದರಲ್ಲಿ ಒಳಗೊಂಡಿದೆ. ಹಿಂದೂ ರಾಷ್ಟ್ರ ಕೇವಲ ಒಂದು ಧಾರ್ಮಿಕ ಅಥವಾ ರಾಜಕೀಯ ಕಲ್ಪನೆಯಲ್ಲ. ಇದು ಒಂದು ಆದರ್ಶ ಸಾಮಾಜಿಕ – ಧಾರ್ಮಿಕ – ಆರ್ಥಿಕ ವ್ಯವಸ್ಥೆಯಾಗಿದೆ. ಸತ್ಯನಿಷ್ಠೆ, ಯೋಗ್ಯತೆ ಹಾಗೂ ನ್ಯಾಯ ಹಿಂದೂ ರಾಷ್ಟ್ರದ ಗುರುತಾಗಿವೆ. ಇದುವೇ ನಮ್ಮ ಕಲ್ಪನೆಯ  ಹಿಂದೂ ರಾಷ್ಟ್ರ! ಹಿಂದೂ ರಾಷ್ಟ್ರದಿಂದ ಕೇವಲ ಹಿಂದುಗಳಿಗಾಗಿ ಅಷ್ಟೇ ಅಲ್ಲದೆ ಸಂಪೂರ್ಣ ಮಾನುಕುಲಕ್ಕೆ ಶಾಂತಿ ಮತ್ತು ಸಮೃದ್ಧಿ ಲಭಿಸಲಿದೆ. ಹಿಂದೂ ರಾಷ್ಟ್ರ ಸ್ಥಾಪನೆಯ ಈ ಯಾತ್ರೆಯಲ್ಲಿ ಭಾವಹಹಿಸಲು ನಿಮಗಿದೋ ಆಮಂತ್ರಣ! 

ಶತಮಾನಗಳಿಂದ ಬಾಹ್ಯ ಮತ್ತು ಆಂತರಿಕ ಆಕ್ರಮಣಕಾರರಿಂದ ರಾಷ್ಟ್ರ ಮತ್ತು ಧರ್ಮ ಇವುಗಳು ನಿರಂತರವಾಗಿ ಆಕ್ರಮಣಕ್ಕೊಳಪಟ್ಟಿವೆ. ಇದರಿಂದ, ಒಂದು ಕಾಲದಲ್ಲಿ ವಿಶ್ವ ಗುರುವಾಗಿದ್ದ ಭಾರತವು ಇಂದು ಧಾರ್ಮಿಕ – ಬೌದ್ಧಿಕ – ಸಾಂಸ್ಕೃತಿಕ – ಆರ್ಥಿಕ ದಿವಾಳಿಯನ್ನು ಅನುಭವಿಸುತ್ತಿದೆ. ಅನಾದಿಕಾಲದಿಂದ ಪಾಲಿಸಲಾಗುವ ಧಾರ್ಮಿಕ ಸಿದ್ಧಾಂತಗಳ ಕಾರಣ ಈ ರಾಷ್ಟ್ರದ ಲೌಕಿಕ ಮತ್ತು ಆಧ್ಯಾತ್ಮಿಕ ಪ್ರತಿಷ್ಠೆ ಅದ್ವಿತೀಯವಾಗಿದೆ. ಆದರೆ ನಮ್ಮ ಧಾರ್ಮಿಕ ಮೌಲ್ಯಗಳಿಂದ ನಮ್ಮನ್ನು ಪ್ರತ್ಯೇಕವಾಗಿರಿಸಿದ್ದರಿಂದ ಇಂದು ನಮ್ಮ ಪರಿಸ್ಥಿತಿ ದಯನೀಯವಾಗಿದೆ. ಆದ್ದರಿಂದ ಈ ರೀತಿಯ ಆಕ್ರಮಣಗಳನ್ನು ಎದುರಿಸಲು ಆವಶ್ಯಕವಿರುವ ಆಧ್ಯಾತ್ಮಿಕ ಮತ್ತು ಶಾರೀರಿಕ ಶಕ್ತಿಯಿಂದ ನಮ್ಮನ್ನು ವಂಚಿಸಲಾಗಿದೆ.

ಪ್ರತಿಯೊಂದು ಜೀವವನ್ನು ಉದ್ಧರಿಸುವ ಧರ್ಮಾಧಿಷ್ಠಿತ  ಸಾಮಾಜಿಕ-ಧಾರ್ಮಿಕ ವ್ಯವಸ್ಥೆಯು ಹಿಂದೂ ರಾಷ್ಟ್ರದಲ್ಲಿ ಇರಲಿದೆ. ಹಿಂದೂ ಶಬ್ದದಿಂದಲೇ ಮುಕ್ತಿಯ ಮಹತ್ವವನ್ನು ತಿಳಿಯಬಹುದು. ಯಾವ ವ್ಯಕ್ತಿ ಕೆಟ್ಟ ಪ್ರವೃತ್ತಿಗಳಿಂದ ತನ್ನನ್ನು ಮುಕ್ತಗೊಳಿಸಿ ಸಾತ್ವಿಕತೆಯೆಡೆಗೆ ಸಾಗುವನೋ, ಮತ್ತು ಅದರಿಂದಾಗಿ ಅವನು ಶಾಶ್ವತ ಆನಂದ ಪಡೆಯುವನೋ ಅವನನ್ನು ಹಿಂದೂ ಎನ್ನುತ್ತಾರೆ. ಆದ್ದರಿಂದ ಈ ರೀತಿಯ ಪ್ರಯತ್ನಗಳಿಗೆ ಅನುಕೂಲಕರವಾದ ವಾತಾವರಣ ಸೃಷ್ಟಿಸುವಂತಹ ರಾಷ್ಟ್ರವು ಕೇವಲ ಹಿಂದುಗಳಿಗಾಗಿ ಅಷ್ಟೇ ಅಲ್ಲ, ದೇಶ ಮತ್ತು ವಿಶ್ವದ ಪ್ರತಿಯೊಬ್ಬ ನಾಗರಿಕನಿಗೆ ಲಾಭದಾಯಕವಾಗಿರಲಿದೆ.

ಹಿಂದೂ ರಾಷ್ಟ್ರದ ಸ್ಥಾಪನೆಯ ಉದ್ದೇಶಕ್ಕಾಗಿ ಶಾರೀರಿಕ ಮತ್ತು ಆಧ್ಯಾತ್ಮಿಕ ಬಲದ ಆವಶ್ಯಕತೆಯಿದೆ. ಶಾರೀರಿಕ ಶಕ್ತಿ ಕೇವಲ ಶಾರೀರಿಕ ಸಮಸ್ಯೆಗಳನ್ನು ಬಗೆಹರಿಸಬಹುದು, ಆದರೆ ಆಧ್ಯಾತ್ಮಿಕ ಶಕ್ತಿ ಆಧ್ಯಾತ್ಮಿಕ ಮತ್ತು ಶಾರೀರಿಕ ಎರಡೂ ಬಗೆಯ ಸಮಸ್ಯೆಗಳನ್ನು ಎದುರಿಸಲು ಸಾಮರ್ಥ್ಯ ನೀಡುತ್ತದೆ. ಶಾರೀರಿಕ ಬಲವನ್ನು ಕಡಿಮೆ ಸಮಯದಲ್ಲಿ ಗಳಿಸಬಹುದು ಆದರೆ ಆಧ್ಯಾತ್ಮಿಕ ಬಲ ಹೆಚ್ಚಿಸಲು ಸಮಯ ಬೇಕಾಗುತ್ತದೆ, ಜೊತೆಗೆ ಈಶ್ವರನ ಕೃಪೆಯ ಆವಶ್ಯಕತೆಯೂ ಇರುತ್ತದೆ.

ಸಾಧನೆ ಮಾಡುವುದರಿಂದ ಸತ್ವಗುಣದ ವೃದ್ಧಿಯಾಗುವ ಜೊತೆ ಜೊತೆಗೆ ರಜೋಗುಣ ಮತ್ತು ತಮೋಗುಣದಿಂದಾಗುವ ಆಧ್ಯಾತ್ಮಿಕ ಮಾಲಿನ್ಯವೂ ಕಡಿಮೆಯಾಗುತ್ತದೆ. ಈ ರೀತಿ ನಾಗರಿಕರೊಂದಿಗೆ ರಾಜಕಾರಣಿಗಳಿಗೂ ಹಿಂದೂ ರಾಷ್ಟ್ರ ಸ್ಥಾಪನೆ ಮಾಡಲು ಆವಶ್ಯಕವಾದ ಆಧ್ಯಾತ್ಮಿಕ ಶಕ್ತಿ ಪ್ರಾಪ್ತವಾಗುತ್ತದೆ. ಇದರಿಂದ ಶಿಕ್ಷಣವಿರಲಿ, ರಾಜಕಾರಣವಿರಲಿ, ಪ್ರತಿಯೊಂದು ಕಾರ್ಯ ಆಧ್ಯಾತ್ಮಿಕ ಸ್ತರದಲ್ಲಾಗಲು ಪೂರಕವಾಗಿರುವ ಒಂದು ವಾತಾವರಣ ನಿರ್ಮಾಣವಾಗುತ್ತದೆ. ಇಂತಹ ಆಧ್ಯಾತ್ಮಿಕ ಸಮಾಜ ಸ್ವಾಭಾವಿಕವಾಗಿ ಎಲ್ಲರ ಉದ್ಧಾರಕ್ಕಾಗಿ ಪ್ರಯತ್ನಿಸುತ್ತದೆ.

ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆಯವರ ಮತ್ತು ವಿಭಿನ್ನ ಮಾರ್ಗಗಳ ಸಂತರ ಆಧ್ಯಾತ್ಮಿಕ ಮಾರ್ಗದರ್ಶನ ಪ್ರಾಪ್ತವಾಗುವ ಅದೃಷ್ಟ ನಮಗೆಲ್ಲರಿಗೂ ಒಲಿದಿದೆ. ಹಿಂದೂ ಜನಜಾಗೃತಿ ಸಮಿತಿ ಹಿಂದೂ ರಾಷ್ಟ್ರದ ಸ್ಥಾಪನೆಯ ಕಾರ್ಯವನ್ನು ಧರ್ಮಸಂಸ್ಥಾಪನೆಯ ಕಾರ್ಯವೆಂದು ತಿಳಿಯುತ್ತದೆ. ಆದ್ದರಿಂದ ಹಿಂದೂ ರಾಷ್ಟ್ರದ ಸ್ಥಾಪನೆಯ ಕಾರ್ಯದಲ್ಲಿ ಭಾಗವಹಿಸುವುದೆಂದರೆ ಎಲ್ಲ ಜನರ ಆಧ್ಯಾತ್ಮಿಕ ಉನ್ನತಿಯ ಮಾಧ್ಯಮವಾಗಿರಲಿದೆ.