संपूर्ण विश्वभरात हिंदुविरोधी वक्तव्य आणि हिंदुद्वेषांच्या गुन्ह्यांमध्ये (hate crime) अभूतपूर्व वाढ झाली आहे. दररोज भारतीय हिंदूंना खोटी माहिती, फसवणूक, कट्टरता आणि द्वेषजन्य गुन्ह्यांचा सामना करावा लागत आहे. हिंदूंवर सर्व बाजूंनी आक्रमण होत आहेत. हा हिंदुद्वेष आपण किती काळ सहन करणार? धर्माच्या आधारावर असलेले हिंदु राष्ट्र हाच यावर एकमेव उपाय आहे. हिंदु राष्ट्र स्थापनेच्या या कार्यात हिंदु जनजागृती समिती मशालवाहक राहिली आहे. या ध्येयाला साध्य करणे सोपे काम नाही आणि यासाठी प्रत्येक हिंदूच्या सक्रिय सहभागाची आवश्यकता आहे. म्हणून हिंदुत्वासाठी समर्पित प्रत्येक लहान-मोठ्या हिंदु संघटनेला एकत्रित करण्याच्या उद्देशाने हिंदु जनजागृती समितीने अखिल भारतीय हिंदु राष्ट्र अधिवेशनाचे आयोजन केले आहे.

२४ ते ३० जून २०२४ या कालावधीत गोवा येथे वैश्विक हिंदु राष्ट्र महोत्सव (१२ वे अखिल भारतीय हिंदु राष्ट्र अधिवेशन) आयोजित केले आहे. भारताला शीघ्रातीशीघ्र हिंदु राष्ट्र कसे घोषित करता येईल, यावर विचारमंथन आणि कार्ययोजना बनवण्यासाठी देश-विदेशातील १००० हून अधिक धर्माभिमानी, अधिवक्ता, उद्योगपती इत्यादी यात सहभागी होतील.

हिंदु राष्ट्राच्या स्थापनेसाठी आयोजित केलेल्या वैश्विक हिंदु राष्ट्र महोत्सव रूपी दिव्य यज्ञात सर्व धर्मनिष्ठ हिंदु संघटनांना समर्पित भावनेने योगदान देण्याची प्रेरणा मिळो, हीच ईश्वरचरणी आम्ही प्रार्थना करतो.