बुरहानपूर (मध्यप्रदेश) येथे धर्मांध जमावाकडून हिंदु तरुणाच्या घरावर आक्रमण

• हिंदु तरुणाने कथित इस्लामविरोधी ‘पोस्ट’ प्रसारित केल्याचा आरोप !

• मुसलमानांकडून पोलिसांत तक्रार प्रविष्ट; मात्र पोलिसांच्या कारवाईची वाट न पहाता  थेट आक्रमण !

• मुसलमानांच्या जमावाकडून पोलिसांवरही दगडफेक !

• उठसूठ हिंदूंवर आक्रमण करणार्‍या धर्मांधांची मुजोरी जाणा ! हिंदूंनी या अन्यायाच्या विरोधात आताच संघटितपणे आवाज न उठवल्यास उद्या असे प्रकार गळ्ळी-बोळात घडतील, हे जाणा !
• ‘भारतात मुसलमान असुरक्षित आहेत’, असे म्हणणारे निधर्मीवादी, पुरोगामी, साम्यवादी, काँग्रेसवाले आता हाताची घडी आणि तोंडावर बोट ठेऊन गप्प बसतील ! – संपादक 

बुरहानपूर (मध्यप्रदेश) – येथे कथित इस्लामविरोधी ‘पोस्ट’ प्रसारित केल्याचा आरोप करत मुसलमान जमावाकडून हिंदु तरुणाच्या घरावर आक्रमण केले. या प्रकरणी पोलिसांनी ८ जणांना अटक केली असून अजून काही जणांना अटक होण्याची शक्यता आहे.

प्रसारमाध्यमांतील एका वृत्तानुसार,

१. बुरहानपूर जिल्ह्यातील गणपती नाका परिसरातील रहिवासी शोहराबुद्दीन कुरेशी याने जतन नावाच्या हिंदु तरुणाविरुद्ध पोलिसांत तक्रार प्रविष्ट केली. जतनने ‘इन्स्टाग्राम’वर प्रसारित केलेल्या ‘पोस्ट’चा संदर्भ  देत ती इस्लामविरोधी असल्याचा आरोप त्याने तक्रारीत केला.

२. या तक्रारीच्या आधारे पोलिसांनी अन्वेषण चालू केले; मात्र त्यापूर्वीच मुसलमान समाजातील १०० हून अधिक लोकांनी गोंधळ घालणे चालू केले.

३. मुसलमानांचा जमाव हिंसक बनला आणि त्याने बुरहानपूरमधील इतवारा गेट परिसरात रहाणार्‍या जतनच्या घरावर आक्रमण केले.

४. या आक्रमणाची माहिती मिळताच जतनच्या समर्थनार्थ लोक जमा झाले. तेव्हा दोन्ही बाजूंनी दगडफेक चालू झाली.

५. या प्रकरणाची माहिती मिळताच पोलिसांनी घटनास्थळी धाव घेत जमावाला पांगवले. मुसलमानांनी पोलिसांवरही दगडफेक केली. याविषयीचा एका व्हिडिओ प्रसारित झाला आहे. या व्हिडिओमध्ये हिंसक जमाव ‘अल्लाहू अकबर’च्या घोषणा देतांना दिसत आहे.

६. या घटनेनंतर पोलिसांनी जतन याला अटक केली आहे. जतनच्या घरावर आक्रमण करणार्‍या मुसलमानांवरही पोलिसांनी कारवाई करणे चालू केले आहे. एकूण १०६ जणांविरुद्ध गुन्हा नोंदवून अन्वेषण चालू केले आहे.

स्त्रोत: दैनिक सनातन प्रभात