ತಮ್ಮಲ್ಲಿರುವ ದೋಷಗಳ ಪಟ್ಟಿ ಮಾಡಿ!

‘ಸ್ವಭಾವದೋಷ-ನಿರ್ಮೂಲನ ಪ್ರಕ್ರಿಯೆ’ಯನ್ನು ಹೇಗೆ ನಡೆಸಬೇಕು?

ಮಕ್ಕಳೇ, ನಿಮ್ಮ ಶಾಲೆಯಲ್ಲಿ, ಪಕ್ಕದ ಮನೆಯಲ್ಲಿ, ಸ್ನೇಹಿತರಲ್ಲಿ ಒಂದೂ ದೋಷವಿಲ್ಲದವರು ಯಾರಾದರೂ ಇದ್ದಾರೆಯೇ ? ಯಾರೂ ಇಲ್ಲ ಅಲ್ಲವೇ ! ಪ್ರತಿಯೊಬ್ಬ ವ್ಯಕ್ತಿಯಲ್ಲಿ ಯಾವುದಾದರೂ ದೋಷಗಳು ಇದ್ದೇ ಇರುತ್ತವೆ. ಕೇವಲ ಈಶ್ವರನಲ್ಲಿ ಮಾತ್ರ ಯಾವುದೇ ದೋಷವಿಲ್ಲ; ಏಕೆಂದರೆ ಅವನು ಸರ್ವಗುಣಸಂಪನ್ನನಾಗಿದ್ದಾನೆ. ಸತತವಾಗಿ ಆನಂದದಲ್ಲಿರುವುದು, ಅವನ ಸ್ವಭಾವವಾಗಿದೆ. ಅವನಂತೆ ಆನಂದದಲ್ಲಿರಲು ಯಾವ ದೋಷಗಳನ್ನು ನಿವಾರಿಸುವುದು ಮತ್ತು ಯಾವ ಗುಣಗಳನ್ನು ವೃದ್ಧಿಸುವುದು ಆವಶ್ಯಕವಾಗಿದೆ, ಎಂಬುದನ್ನು ನೋಡೋಣ.

ಮುಂದೆ ಕೆಲವು ದೋಷ ಮತ್ತು ಅವುಗಳಿಗೆ ವಿರುದ್ಧವಾಗಿರುವ ಗುಣಗಳ ಪಟ್ಟಿಯನ್ನು ಕೊಡಲಾಗಿದೆ. ಮುಂದಿನ ದೋಷಗಳನ್ನು ಅಂದಾಜಿನಿಂದ ವರ್ಗೀಕರಿಸಲಾಗಿದೆ. ಅವುಗಳಲ್ಲಿಯೇ ಯಾವ ದೋಷವು ಹೆಚ್ಚು ತ್ರಾಸದಾಯಕ ಮತ್ತು ಯಾವ ದೋಷವು ಕಡಿಮೆ ತ್ರಾಸದಾಯಕ, ಎಂಬುದನ್ನು ನಿರ್ಧರಿಸಲು ಸಾಧ್ಯವಾಗಬೇಕೆಂದು ಈ ವರ್ಗೀಕರಣವನ್ನು ಮಾಡಲಾಗಿದೆ. ವರ್ಗೀಕರಣ ಮಾಡಿದ ಪ್ರತಿಯೊಂದು ಗುಂಪಿನಲ್ಲಿನ ದೋಷಗಳ ಕ್ರಮವನ್ನು ಮುಂದಿನಂತೆ ತೆಗೆದುಕೊಳ್ಳಲಾಗಿದೆ – ದೋಷಗಳ ಪೈಕಿ ಅವುಗಳಲ್ಲಿಯೇ ಅಧಿಕ ತ್ರಾಸದಾಯಕವಾಗಿರುವ ದೋಷಗಳನ್ನು ಮೊದಲು ತೆಗೆದುಕೊಂಡು ಕಡಿಮೆ ತ್ರಾಸದಾಯಕ ದೋಷಗಳನ್ನು ಇಳಿಕೆಯ ಕ್ರಮದಲ್ಲಿ ತೆಗೆದುಕೊಳ್ಳಲಾಗಿದೆ. ಪ್ರತಿಯೊಬ್ಬರ ಪ್ರಕೃತಿ ಮತ್ತು ಸ್ವಭಾವದೋಷಗಳಿಗನುಸಾರ ಪ್ರತಿಯೊಬ್ಬರ ಸಂದರ್ಭದಲ್ಲಿ ಈ ವರ್ಗೀಕರಣವು ಸ್ವಲ್ಪ ಬದಲಾಗಬಹುದು, ಉದಾ. ಪಟ್ಟಿಯಲ್ಲಿ ಕೊಟ್ಟಿರುವ ನಮಗೆ ಹೆಚ್ಚು ತ್ರಾಸದಾಯಕವಾಗಿರುವ ದೋಷವು ಇನ್ನೊಬ್ಬನಿಗೆ ಕಡಿಮೆ ತ್ರಾಸದಾಯಕವೆನಿಸಬಹುದು ಮತ್ತು ಪಟ್ಟಿಯಲ್ಲಿ ಕೊಟ್ಟಿರುವ ನಮಗೆ ಕಡಿಮೆ ತ್ರಾಸದಾಯಕವಾಗಿರುವ ದೋಷವು ಇನ್ನೊಬ್ಬನಿಗೆ ಹೆಚ್ಚು ತ್ರಾಸದಾಯಕವೆನಿಸಬಹುದು.

ಮಕ್ಕಳೇ, ಮೇಲಿನ ದೋಷಗಳಲ್ಲಿನ ಕೆಲವು ದೋಷಗಳು ನಿಮ್ಮಲ್ಲಿವೆ, ಎಂದು ನಿಮಗೆ ಅನಿಸುತ್ತದೆಯೇ? ಹಾಗಾದರೆ ಮುಂದಿನಂತೆ ಮಾಡಿರಿ –

೧. ಮೇಲಿನ ಪಟ್ಟಿಯಲ್ಲಿನ ಯಾವ ದೋಷಗಳು ನಿಮ್ಮಲ್ಲಿವೆಯೋ, ಅವುಗಳ ಒಂದು ಪಟ್ಟಿಯನ್ನು ಮಾಡಿರಿ.

೨. ಮೇಲಿನ ಪಟ್ಟಿಯಲ್ಲಿರುವ ದೋಷಗಳಲ್ಲದೇ ಇತರ ದೋಷಗಳು ನಿಮ್ಮಲ್ಲಿದ್ದರೆ, ಅವುಗಳನ್ನೂ ನಿಮ್ಮ ಪಟ್ಟಿಯಲ್ಲಿ ಬರೆಯಿರಿ.

೩. ತಂದೆ-ತಾಯಂದಿರು, ಅಣ್ಣ-ತಮ್ಮಂದಿರು, ಅಕ್ಕ-ತಂಗಿಯರು, ಸ್ನೇಹಿತರು ಮುಂತಾದವರಿಗೆ ನೀವು ಮಾಡಿದ ಪಟ್ಟಿಯಲ್ಲಿನ ದೋಷಗಳನ್ನು ತೋರಿಸಿ ಅವಲ್ಲದೇ, ಇತರ ದೋಷಗಳಿದ್ದರೆ, ಅವುಗಳನ್ನು ಹೇಳಲು ಅವರಿಗೆ ವಿನಂತಿಸಿರಿ.