भाजपचे आमदार संगीत सोम यांना ‘इसिस’कडून धमकी ?

आपल्या वैयक्तिक मोबाईल क्रमांकावर आज सकाळी साडेनऊ वाजता धमकीचा दूरध्वनी आला होता. दक्षिण अमेरिकेतील चिली देशातून हा दूरध्वनी करण्यात आला असून, धमकी देणारी व्यक्ती हिंदीतून बोलत होती, अशी माहितीही सोम यांनी दिली. “इसिस‘चे दहशतवादी भारतात पोचले आहेत. ते लवकरच आपला खून करतील, अशी धमकी या वेळी देण्यात आल्याचे सोम म्हणाले. सोम यांनी याबाबत पोलिसांत तक्रार दाखल केली आहे. सोम यांना यापूर्वीच “झेड‘ दर्जाची सुरक्षा व्यवस्था पुरविण्यात आली आहे.