उडुपी (कर्नाटक) : हिंदु जनजागृती समितीच्या वतीने शिवपाडी, मणिपाल येथे आयोजित करण्यात आलेल्या प्रांतीय हिंदु अधिवेशनाचे उद्घाटन रविवार, ११ डिसेंबर या दिवशी पेजावर स्वामीजी श्री श्री श्री विश्‍वप्रसन्न तीर्थ यांच्या शुभहस्ते करण्यात आले.
या उद्घाटन सोहळ्याला बेळुर रामकृष्ण आश्रमाचे श्री श्री श्री विनायकनाद स्वामीजी, सनातनचे सद्गुरु सत्यवान कदम, हिंदु जनजागृती समितीचे कर्नाटक राज्य प्रवक्ता श्री. गुरुप्रसाद आणि सनातन संस्थेचे श्री. काशीनाथ प्रभु व्यासपिठावर उपस्थित होते. या प्रांतीय हिंदु अधिवेशनात उडुपी, दक्षिण कन्नड आणि उत्तर कन्नड येथील हिंदुत्वनिष्ठ सहभागी झाले आहेत.
या २ दिवसांच्या अधिवेशनात गोहत्या, धर्मांतर, लव्ह जिहाद, हिंदु नेत्यांच्या हत्या, मंदिरांचे सरकारीकरण, हिंदु देवतांचे विडंबन, अंधश्रद्धा निर्मूलन कायदा इत्यादी विषयांवर चर्चा करण्यात येणार आहे, असे श्री. गुरुप्रसाद यांनी या वेळी सांगितले.
