लोकशाहीला निरर्थक ठरवणारे लोकप्रतिनिधी !
अगरतळा (त्रिपुरा ) – २० डिसेंबरला त्रिपुरा विधानसभेत तृणमूल काँग्रेसचे आमदार आणि माजी विरोधी पक्षनेते सुदीप रॉय बर्मन यांनी विधानसभा अध्यक्षांचा राजदंड घेऊन सदनाबाहेर पळ काढला. त्रिपुरा विधानसभेत असा प्रकार घडण्याची ही पाचवी वेळ आहे.
त्रिपुराचे वन आणि ग्रामीण विकासमंत्री नरेश जमातिया यांच्यावर ‘सेक्स स्कॅण्डल’शी संबंध असल्याचा आरोप झाला होता. यावर आमदार सुदीप बर्मन यांनी चर्चेची मागणी केली होती; परंतु विधानसभा अध्यक्षांनी चर्चा करण्यास नकार दिल्याने सुदीप बर्मन त्याचा विरोध करत होते.
स्त्रोत : दैनिक सनातन प्रभात