हिंदु जनजागृती समितीकडून राष्ट्रध्वजाचा अवमान रोखण्यासाठी सातारा, पलूस, तासगाव आणि जत येथे प्रशासनाला निवेदने सादर

हिंदु जनजागृति समितीची ‘राष्ट्रध्वजाचा मान राखा !’ चळवळ

सातारा : येथे हिंदु जनजागृती समिती आणि अन्य समविचारी संघटना यांच्या वतीने २६ जानेवारी या दिवशी होणारी राष्ट्रध्वजाची विटंबना रोखण्याविषयीचे निवेदन जिल्हाधिकारी, निवासी नायब तहसीलदार श्री. बी.एल्. मोरे आणि पोलीस अधिकारी श्री. संजय सुर्वे यांना देण्यात आले. प्लास्टिकच्या राष्ट्रध्वजाची छुप्यारितीने विक्री करणार्‍या दुकानदारांवर प्रशासनाने कठोर कारवाई करावी, अशी मागणी हिंदुत्ववादी संघटनांच्या वतीने करण्यात आली.

प्लास्टिकचे राष्ट्रध्वज आणि राष्ट्रप्रतिके यांचा वापर टाळा ! – हिंदु जनजागृती समितीचे आवाहन

पलूस – येथे तहसीलदार मधुसूदन बर्गे यांना निवेदन देण्यात आले. या वेळी श्री शिवप्रतिष्ठानचे श्री. रवींद्र खोत आणि रवींद्र कुंभार, तर हिंदु जनजागृती समितीचे सर्वश्री शिवाजीराव बर्गे, सयाजीराव जमदाडे आणि भीमराव खोत उपस्थित होते. हेच निवेदन शिक्षणाधिकारी श्री. बी.एन्. जगधने यांनाही देण्यात आले.

तासगाव – येथे नायब तहसीलदार सुनील ढाले यांना, तसेच पोलीस ठाण्यात ठाणे अंमलदार यांना निवेदन देण्यात आले. या वेळी श्री शिवप्रतिष्ठानचे श्री. अजिभित घुले, हिंदु जनजागृती समितीचे सर्वश्री विलास पोळ, जगन्नाथ पोळ, गजानन खेराडकर उपस्थित होते.

संदर्भ : दैनिक सनातन प्रभात