नक्षलग्रस्त भारत !
नागपूर : गडचिरोली जिल्ह्यातील कोरची तालुका मुख्यालयापासून १ किलोमीटर अंतरावर असलेल्या पकनाभट्टी येथे नक्षलवाद्यांनी लावलेला कापडीफलक काढत असतांना प्रेशर बॉम्बचा स्फोट झाला. या घटनेत २ पोलीस अधिकारी गंभीर घायाळ झाले. त्यांना उपचाराकरता नागपूर येथे दाखल करण्यात आले आहे.
पकनाभट्टी येथे रस्त्याच्या मधोमध कापडी फलक लावण्यात आला होता. तो काढण्यासाठी कोरचीचे साहाय्यक पोलीस निरीक्षक अतुल तवाडे आणि साहाय्यक पोलीस उपनिरीक्षक राजेश चावर ५ मार्चच्या पहाटे साडेपाचच्या सुमारास घटनास्थळी गेले होते. तो काढत असतांना अचानक प्रेशर बॉम्बचा स्फोट झाला.
संदर्भ : दैनिक सनातन प्रभात
