एकीकडे क्रिकेट द्वारे भारत हा पाकिस्तानशी चांगले संबंध निर्माण करण्याचा प्रयत्न करत आहे, तर दुसरीकडे पाकिस्तान काश्मीर मधील फुटिरतावाद्यांना “पाकिस्तान दिन” साजरा करण्याचे निमंत्रण देऊन भारताला डिवचत आहे – संपादक, हिंदुजागृती
नवी दिल्ली : पाकिस्तानी दिनानिमित्त काश्‍मीरमधील फुटिरतावादी नेते सईद अली गिलानी व असिया अंद्राबीसह अन्य नेत्यांना आमंत्रित करण्यात आले आहे.
‘पाकिस्तानचे राजदूत अब्दुल बसीत यांनी पाकिस्तानी दिनानिमित्त (२३ मार्च) काश्‍मीरमधील फुटीरतावादी नेते गिलानी, अंद्राबी यांच्यासह यासीन मलिक, मरवैझ उरम फारुख व पंतप्रधान कार्यालयातील जितेंद्र सिंग यांना आमंत्रित केले आहे,‘ अशी माहिती सूत्रांनी दिली.
पाकिस्तान दरवर्षी पाकिस्तानी दिनानिमित्त काश्‍मीरमधील फुटिरतावाद्यांसह राजधानीमधील उच्चायुक्तालयातील अधिकाऱ्यांना आमंत्रित करत आहे.
संदर्भ : सकाळ