हिंदु तरुणीला प्रेमाच्या जाळ्यात ओढून तिची फसवणूक करणार्‍यांच्या विरोधात हिंदू कायदेशीर कारवाई करण्याचा प्रयत्न करतात, तर मुसलमान तरुणीवर खर्‍या अर्थाने प्रेम करणार्‍या हिंदु तरुणांना किंवा त्यांच्या नातेवाइकांना धर्मांध ठार करतात, हे लक्षात घ्या !
बिजनौर (उत्तरप्रदेश) : येथे मुसलमान तरुणीशी प्रेम करणार्‍या सागर नावाच्या तरुणाचा भाऊ शिवम् याला तरुणीचा भाऊ, पिता आणि अन्य ५ जणांनी ठार केल्याची घटना समोर आली आहे. शिवम्’च्या मृतदेहाची ओळख पटू नये म्हणून तो जाळण्यात आला आहे. या प्रकरणी पोलिसांत गुन्हा नोंदवण्यात आला आहे.
शिवम्’चा भाऊ वासु याने सांगितले की, त्याचा दुसरा भाऊ सागर याचे शेजारी रहाणार्‍या मुसलमान तरुणीवर प्रेम होते आणि त्यातूनच त्याने तिला पळवून नेले होते. ५ मासांपूर्वी त्याला पोलिसांनी अटक केली होती. तो अद्याप कारागृहात आहे. तरुणीला तिच्या कुटुंबियांकडे सोपवण्यात आले; मात्र ती गर्भवती होती. शिवम् सागर याचे समर्थन करत होता. यामुळेच मुसलमान तरुणीच्या कुटुंबियांनी त्याची हत्या केली. पोलिसांनी नसीम, नफर, असगर, नईम, एजाज आणि आरिफ यांच्या विरोधात गुन्हा नोंदवला आहे.
संदर्भ : दैनिक सनातन प्रभात
