स्वातंत्र्यानंतर आजपर्यंतच्या शासनकर्त्यांकडून समाजाला साधनेचे धडे तर दूरचेच; पण साधे नैतिक मूल्यांचेही धडे न दिल्याचे फलित !
मृतांच्या टाळूवरील लोणी खाणार्‍या अशा विकृत मानसिकता असलेल्यांना सरकारने कारागृहात टाकले पाहिजे !
बागपत (उत्तरप्रदेश) – स्मशान घाटावर करोनाबाधित मृत व्यक्तींच्या शरिरावरील कपड्यांवर ‘ब्रॅण्डेड’ आस्थापनांचे लोगो लावून ते विकणार्‍या ७ जणांच्या टोळीला पोलिसांनी अटक केली. श्रीपाल जैन, आशीष जैन, राममोहन, अरविंद जैन, ईश्‍वर, वेदप्रकाश आणि मोबीन अशी आरोपींची नावे असून पोलिसांनी त्यांच्याकडून मोठ्या संख्येने कपडे कह्यात घेतले आहेत.
Uttar Pradesh: 7 men steal clothes from bodies in crematoriums to sell them, arrested https://t.co/NQgWQifNzg
— Republic (@republic) May 9, 2021
बडौत पोलीस ठाण्यातील निरीक्षक अजय शर्मा यांनी दिलेल्या माहितीनुसार ९ मे या दिवशी दळणवळणबंदीच्या संदर्भात पोलीस तपासणी चालू असतांना एका गाडीमध्ये ‘ब्रॅण्डेड’ कपडे असल्याचे पोलिसांना आढळून आले. पोलिसांना यासंदर्भात शंका आल्याने त्यांनी या कपड्यांच्या खरेदीसंदर्भातील देयके आणि इतर कागदपत्रे मागितली; मात्र गाडी घेऊन जाणार्‍यांकडे गाडीतील मालासंदर्भात काहीच कागदपत्रे नव्हती. त्यानंतर पोलिसांनी त्यांना जाब विचारल्यावर त्यांनी आम्ही कोरोना मृतांच्या शरिरावरील कपडे चोरून विकत असल्याची स्वीकृती दिली. मागील २ वर्षांपासून त्यांचे हे उद्योग चालू असल्याचे पोलिसांनी सांगितले.
