आणीबाणीला ४६ वर्षे पूर्ण झाल्याच्या निमित्ताने पंतप्रधान मोदी यांची काँग्रेसवर टीका !
नवी देहली – आणीबाणीच्या त्या काळ्या दिवसाला विसरता येणार नाही. वर्ष १९७५ ते १९७७ या काळात अनेक संस्थांचा योजनाबद्ध पद्धतीने नाश झाला. आपण भारतीय लोकशाहीचा उद्देश यशस्वी होण्यासाठी सर्वतोपरी प्रयत्न करण्याचा संकल्प करूया आणि राज्यघटनेत नमूद केलेल्या मूल्यांचे पालन करूया, असे आवाहन पंतप्रधान नरेंद्र मोदी यांनी ट्वीट करून केले.
The #DarkDaysOfEmergency can never be forgotten. The period from 1975 to 1977 witnessed a systematic destruction of institutions.
Let us pledge to do everything possible to strengthen India’s democratic spirit, and live up to the values enshrined in our Constitution.
— Narendra Modi (@narendramodi) June 25, 2021
२५ जून १९७५ या दिवशी तत्कालीन पंतप्रधान इंदिरा गांधी यांनी देशात आणीबाणीची घोषणा केली होती. या दिवसाला ४६ वर्षे पूर्ण झाल्याच्या निमित्ताने पंतप्रधान मोदी यांनी हे ट्वीट केले. २५ जून १९७५ ते २१ मार्च १९७७ या काळात देशात २१ मास आणीबाणी लागू होती.
इन्स्टाग्रामवरील एक लिंक शेअर करत पंतप्रधान मोदी यांनी पुढे लिहिले की, काँग्रेसने देशाच्या लोकशाहीतील आचारांना चिरडले. आणीबाणीला विरोध दर्शवणारे आणि भारतीय लोकशाहीचे रक्षण करणारे सर्व महान लोक या वेळी आम्हाला आठवतात.
