एका कार्यकर्त्याला अटक
हिंदुद्वेषाची काविळ झालेल्या भीम आर्मीवर आता केंद्र सरकारने बंदी घातली पाहिजे, अशी मागणी हिंदू आणि त्यांच्या संघटना यांनी केली पाहिजे !
सुपौल (बिहार) – येथील महादेवपट्टी गावामध्ये भीम आर्मीच्या दोघा कार्यकर्त्यांनी शिवमंदिरातील शिवलिंगावर पाय ठेवून छायाचित्र काढले आणि ते सामाजिक माध्यमांतून प्रसारित केले. या प्रकरणी त्यांच्या विरोधात गुन्हा नोंदवण्यात आला असून शैलेंद्रकुमार राम या कार्यकर्त्याला अटक करण्यात आली आहे, तर चंदनकुमार राम नावाच्या कार्यकर्त्याचा पोलीस शोध घेत आहेत. विश्‍व हिंदु परिषदेने पोलिसांना निवेदन देऊन संबंधितांवर कठोर कारवाईची मागणी केली आहे. या दोघा आरोपींनी हिंदु धर्माच्या विरोधात सामाजिक माध्यमांतून आक्षेपार्ह विधानेही प्रसारित केली होती.
छायाचित्र प्रसारित झाल्यावर गावकर्‍यांनी पंचायत बोलावली. यात दोघाही आरोपींना चूक स्वीकारण्यास सांगितले; मात्र त्यांनी चूक स्वीकारण्यास नकार देत ग्रामस्थांना मारहाण आणि शिवीगाळ करण्याचा प्रयत्न केला.
