उत्तरप्रदेशातील आय.ए.एस्. अधिकारी महंमद इफ्तखारूद्दीन सरकारी निवासस्थानी हिंदुविरोधी प्रचार आणि धर्मांतरावर चर्चा करत असल्याचा व्हिडिओ प्रसारित !

व्हिडिओची चौकशी करण्यात येणार

एक प्रशासकीय अधिकारी त्याच्या निवासस्थानी अशा प्रकारची चर्चा करतो आणि पोलिसांना, गुप्तचरांना याची माहिती कशी मिळत नाही कि ती जाणीवपूर्वक दडपली जाते ? – संपादक दैनिक सनातन प्रभात  एक धर्मांध अधिकारी असे करत असेल, तर अन्य काय करत असतील, हे लक्षात घेऊन त्यांचीही आता चौकशी झाली पाहिजे, असे कुणाला वाटले, तर ते चुकीचे ठरू नये ! – संपादक दैनिक सनातन प्रभात  धर्मांध कितीही शिकले, तरी ते त्यांची धर्मांध वृत्ती कधीही सोडत नाहीत, हे पुरो(अधो)गामी आणि निधर्मीवादी कधी समजणार ? इफ्तखारूद्दीन यांनी त्यांच्या पदाचा अपलाभ घेत किती जणांचे धर्मांतर केले असेल, याची कल्पना येत नाही. याचीही चौकशी केली पाहिजे ! – संपादक दैनिक सनातन प्रभात

नवी देहली – उत्तरप्रदेशातील ज्येष्ठ आय.ए.एस्. अधिकारी महंमद इफ्तखारूद्दीन हे त्यांच्या सरकारी निवासस्थानी हिंदुविरोधी प्रचार आणि धर्मपरिवर्तन याविषयी तेथे उपस्थित असलेल्या काही मुसलमानांना सांगत आहेत, असे दिसत असल्याचा एक व्हिडिओ सामाजिक माध्यमांतून प्रसारित झाला आहे. या व्हिडिओमध्ये महंमद इफ्तखारूद्दीन इस्लाम स्वीकारण्याचे लाभ सांगत आहेत. ‘उत्तरप्रदेशच्या माध्यमातून अल्लाने आपल्याला असे केंद्र उपलब्ध करून दिले आहे, जिथून आपण देशभर आणि जगभर काम करू शकतो’, असे म्हणतांना ते दिसत आहेत. या व्हिडिओनंतर इफ्तखारूद्दीन यांचा विरोध होऊ लागला आहे. यासंदर्भात उत्तरप्रदेशचे उपमुख्यमंत्री केशव प्रसाद मौर्य यांनी ‘अशी कोणतीही घटना घडली असेल, तर त्याची गांभीर्याने चौकशी केली जाईल’ असे म्हटले आहे. ‘इफ्तखारूद्दीन जेव्हा कानपूरमध्ये मंडल आयुक्त पदावर होते, तेव्हाचा हा व्हिडिओ आहे’, असे सांगितले जात आहे.

१. यासंदर्भात कानपूरचे पोलीस आयुक्त असीम अरुण यांनी अतिरिक्त उपायुक्त सोमेंद्र मीणा यांना या प्रकरणाच्या चौकशीचा आदेश दिला आहे.

२. ‘हा व्हिडीओ खरा आहे का आणि त्यामध्ये काही गुन्हा घडला आहे का ? याची चाचपणी केली जात आहे’, अशी माहिती कानपूर नगर पोलीस आयुक्तालयाकडून देण्यात आली आहे. (हिंदुविरोधी प्रचार आणि धर्मांतर यांविषयी सरकारी निवासस्थानी चर्चा होणे, हा गुन्हा नव्हे का ? याविषयी १-२ दिवसांत चौकशी होऊन कार्यवाही होणे आवश्यक ! – संपादक दैनिक सनातन प्रभात )

३. मठ मंदिर सहकारी समितीचे उपाध्यक्ष भूपेश अवस्थी यांनी इफ्तखारूद्दीन यांच्यावर हिंदुविरोधी कारवाया करण्याचा आरोप केला आहे.

हिंदु धर्माविषयी अपप्रचार करणारी गोष्ट सांगणारे इफ्तखारूद्दीन !

या व्हिडिओमध्ये इफ्तखारूद्दीन म्हणतात की, पंजाबमध्ये एका व्यक्तीने इस्लाम धर्म स्वीकारला आहे. याविषयी त्याला कारण विचारले असता तो म्हणाला, ‘‘माझ्या बहिणीच्या मृत्यूनंतर तिला जाळण्यात आले. तेव्हा तिचे कपडे जळाले आणि ती निर्वस्त्र झाली. तेथे उपस्थित सर्वजण ते पहात होते. याची मला लाज वाटली. आज माझ्या बहिणीला पहात आहेत, उद्या मुलीला पहातील. यामुळे मी इस्लाम स्वीकारण्याचा निर्णय घेतला. कारण याहून चांगला धर्म कोणताच नाही.’’ (हिंदूंच्या अंत्यसंस्काराविषयी अशा प्रकारची खोटी कथा सांगून अपप्रचार करण्याचा प्रयत्न केल्याच्या प्रकरणी  इफ्तखारूद्दीन यांच्यावर गुन्हा नोंदवून त्यांना कारागृहात डांबले पाहिजे ! तसेच केंद्र सरकारने त्यांना नोकरीतून बडतर्फ केले पाहिजे ! – संपादक दैनिक सनातन प्रभात )