हिंदुत्वनिष्ठ संघटनांच्या विरोधानंतर उत्तराखंडमधील टिहरी धरणाजवळील अवैध मशीद प्रशासनाने पाडली !

गढवाल (उत्तराखंड) – राज्यातील टिहरी धरणाजवळ अवैधरित्या बांधण्यात आलेली मशीद प्रशासनाकडून पाडण्यात आली. राज्यातील हिंदुत्वनिष्ठ संघटना आणि स्थानिक नागरिक यांनी याविरुद्ध तक्रारी केल्या होत्या. (धरणाजवळ अवैध मशीद बांधली जात असतांना पोलीस आणि प्रशासन झोपले होते का ? जे स्थानिक नागरिक आणि हिंदुत्वनिष्ठ यांच्या लक्षात येते, ते सर्व यंत्रणा हाताशी असणार्‍यांच्या लक्षात येत नाही, असे कसे म्हणता येईल ? याला उत्तरदायी असणार्‍यांवर कारवाई झाली पाहिजे ! – संपादक दैनिक सनातन प्रभात ) २० वर्षांपासून असलेली ही अवैध मशीद हटवण्याच्या मागणीसाठी मोठे आंदोलनही करण्यात आले होते, तसेच ट्विटरवर ट्रेंड (चर्चेत असलेला विषय) करण्यात आला होता. (भाजपचे सरकार असतांना अवैध मशीद हटवण्यासाठी इतका विरोध करावा लागणे अपेक्षित नाही, असेच हिंदूंना वाटते ! – संपादक दैनिक सनातन प्रभात )