बनासकांठा (गुजरात) – ५१ शक्तिपिठांपैकी एक असणार्‍या येथील अंबाजी मंदिरातील हवनशाळेवर लावण्यात आलेले ध्वनीक्षेपक काढण्याचा आदेश प्रशासनाने मागे घेतला आहे. ‘ध्वनीप्रदूषण होत असल्याने परिसरातील नागरिकांना त्याचा त्रास होत असल्याने ध्वनीक्षेपक काढावेत’, अशी नोटीस प्रशासनाने पाठवली होती; मात्र कच्छ संत समाजाचे अध्यक्ष योगी देवनाथ यांनी दिलेल्या चेतावणीनंतर ही नोटीस मागे घेण्यात आली आहे. योगी देवनाथ यांनी प्रशासनाने पाठवलेल्या पत्रासह ट्वीट करून म्हटले होते, ‘जर प्रशासन हा आदेश मागे घेणार नसेल, तर गुजरातमधील सर्व मशिदींवरील ध्वनीक्षेपक बंद केले जातील.’
प्रशासन ने मंदिर के हवनशाला में लाउडस्पीकर पर प्रतिबंध लगाने वाले आदेश को वापस ले लिया है
जय माता दी ? https://t.co/4gOa5SbPRB
— Yogi Devnath (@YogiDevnath2) December 20, 2021
मंदिराच्या हवनशाळेमध्ये १४ ठिकाणी यज्ञ आणि हवन केले जातात. ‘एकाच वेळी अनेक ठिकाणी यज्ञ आणि हवन चालू असल्याने त्यांच्या आवाजामुळे त्रास होत आहे’, असे लोकांचे म्हणणे असल्याचे प्रशासनाने म्हटले होते.
