रा.स्व. संघाच्या कार्यकर्त्यांची माहिती सोशल डेमोक्रेटिक पक्षाच्या कार्यकर्त्याला पुरवल्याच्या प्रकरणी धर्मांध पोलीस कर्मचारी निलंबित

इडुक्की (केरळ) – राष्ट्रीय स्वयंसेवक संघाच्या कार्यकर्त्यांची माहिती जिहादी संघटना पॉप्युलर फ्रंट ऑफ इंडियाचा राजकीय पक्ष असणार्‍या सोशल डेमोक्रेटिक पक्षाच्या (एस्.डी.पी.आय.च्या) कार्यकर्त्याला पुरवल्याच्या प्रकरणी पीके अनस या पोलीस कर्मचार्‍याला निलंबित करण्यात आले आहे.

कायदा आणि सुव्यवस्था राखण्यासाठी खबरदारीचा एक भाग म्हणून पोलिसांनी संघ कार्यकर्त्यांची माहिती गोळा केली होती. याच काळात एस्.डी.पी.आय. कार्यकर्त्याला एका प्रकरणात अटक करण्यात आली होती. त्या वेळी अनाज याने ही माहिती त्या कार्यकर्त्याला दिली. या घटनेची चौकशी थोडुपुझा येथील उपअधीक्षकांनी केल्यावर अनाज हा दोषी आढळला. त्यानंतर त्याला निलंबित करण्यात आले आहे.