हिंदूंच्या देशात हिंदूंना अशी मागणी करावी लागणे सर्वपक्षीय शासनकर्त्यांना लज्जास्पद !
सांकवाळ, (गोवा) – शंखवाळ (सांकवाळ) येथील ‘द फ्रंटीस पीस ऑफ सांकवाळ’ या वारसास्थळाला ‘पुरातन विजयादुर्गा मंदिर’ असे नाव द्यावे आणि ‘द फ्रंटीस पीस ऑफ चर्च’ हे अनधिकृत नाव पालटावे, अशी मागणी करत ५ जानेवारीला ‘शंखावली तीर्थक्षेत्र रक्षा समिती’च्या नेतृत्वाखाली हिंदूंनी पुरातत्व विभागाच्या पणजी येथील कार्यालयासमोर धरणे धरले. या वेळी समितीचे श्री. जयेश नाईक म्हणाले, ‘‘या विभागाच्या प्रतिनिधीकडे आम्ही आमच्या मागण्या मांडल्या आहेत. आमच्या मागण्यांनुसार या वारसास्थळी अनधिकृत नाव असलेला फलक काढून टाकून त्या जागी अधिकृत नाव असलेला फलक लावला पाहिजे.
हे सर्व येत्या २४ घंट्यांत झाले पाहिजे. या वारसास्थळी गोमांस टाकणे वगैरे अनुचित प्रकार होता कामा नयेत आणि असे जर झाले, तर १६ जानेवारीला ज्या दिवशी फेस्त आहे त्याच दिवशी या ठिकाणी आम्ही विजयादुर्गादेवीची जत्रा भरवू.’’
