शाओमी, ओप्पो आणि विवो या चिनी भ्रमणभाष आस्थापनांकडून भारतात १ लाख कोटी रुपयांची कमाई; मात्र एकही रुपयाही भरला नाही कर !

• चिनी आस्थापने कर चूकवत असतांना सरकारी यंत्रणा झोपल्या होत्या का ? त्यांनी वेळीच या आस्थापनांना याविषयी जाब का विचारला नाही ? सरकारने अशा आस्थापनांची हाकालपट्टी केली पाहिजे, तसेच त्यांच्याकडून कर वसूल न करणार्‍या उत्तरदायी अधिकार्‍यांना आजन्म कारागृहात टाकले पाहिजे ! – संपादक  दैनिक सनातन प्रभात

• सर्वसामान्य नागरिकांनी कर चूकवल्यास त्यांच्यावर कारवाई करण्याची सरकारी यंत्रणांची तत्परता करचूकवेगिरी करणार्‍या शत्रूराष्ट्राच्या आस्थापनांच्या संदर्भात का दिसत नाही ? – संपादक  दैनिक सनातन प्रभात

• अशा भारतविरोधी आस्थापनांवर आता देशप्रेमी नागरिकांनीही बहिष्कार घालून त्यांना त्यांची जागा दाखवून द्यावी ! – संपादक  दैनिक सनातन प्रभात

भारतात भ्रमणभाषच्या व्यवसायात चिनी आस्थपनांचेच वर्चस्व : भारतीय भ्रमणभाष आस्थापनांचा वाटा १० टक्यांपेक्षाही अल्प !

भारतात भ्रमणभाषच्या व्यवसायात चिनी आस्थापनांच्या वर्चस्वामुळे भारतीय आस्थापने कमकुवत झाली आहेत. लावा, कार्बन, मायक्रोमॅक्स आणि इंटेक्स यांसारख्या भरतीय भ्रमणभाष आस्थापनांच्या विक्रीत मोठी घट झाली आहे. भ्रमणभाषच्या व्यवसायात भारतीय आस्थापनांचा वाटा १० टक्क्यांपेक्षाही अल्प आहे.