पाकमधील प्रसिद्ध हिंगलाज मंदिरावर धर्मांधांचे २२ मासांमध्ये ११ वे आक्रमण !

थारपारकर (पाकिस्तान) – पाकच्या सिंध प्रांतातील थारपारकर जिल्ह्यातील खत्री मोहल्ला येथील प्रसिद्ध हिंगलाज माता मंदिरावर धर्मांधांनी आक्रमण करून तोडफोड केली. गेल्या २२ मासांत या मंदिरावरील हे ११ वे आक्रमण आहे. या घटनेनंतर हिंदूंनी मोर्चा काढून या घटनेचा निषेध नोंदवला.

(ही छायाचित्रे / व्हिडिओ देण्यामागे कुणाच्याही धार्मिक भावना दुखावण्याचा आमचा उद्देश नसून सर्वांना वस्तूस्थिती कळावी, या उद्देशाने हे प्रसिद्ध केले आहेत. – संपादक दैनिक सनातन प्रभात)

या घटनेनंतर ‘पाकिस्तान हिंदू मंदिर व्यवस्थापन’चे अध्यक्ष कृशेन शर्मा घटनास्थळी पोचले. ते म्हणाले की, पाकमधील इस्लामी कट्टरतावाद्यांना पाक सरकार आणि सर्वोच्च न्यायालय यांची काहीच भीती वाटत नाही.