नवी देहली – चीनने पँगाँग सरोवरावर बांधलेला पूल अवैधरित्या कह्यात घेतलेल्या भूमीवर बांधण्यात आला आहे, अशी माहिती केंद्र सरकारने लोकसभेत एका प्रश्‍नाच्या लेखी उत्तरात दिली. भारत सरकारने वर्ष १९६२ पासून चीनचे हे अतिक्रमण कधीही स्वीकारलेले नाही, असेही सरकारकडून स्पष्ट करण्यात आले.
Amid continued tensions with China along the LAC, the Indian government told Parliament that China has been building a bridge on Pangong lake which was “constructed in areas that have continued to be under the illegal occupation of China since 1962.”https://t.co/9lflXDvD1N
— WION (@WIONews) February 5, 2022
परराष्ट्र राज्यमंत्री व्ही. मुरलीधरन् म्हणाले की, पूर्व लडाखमधील वास्तविक नियंत्रण रेषेवरील (एल्.ए.सी.वरील) उर्वरित भागासंदर्भात निर्णय घेण्यासाठी भारत आणि चीन यांच्यात परराष्ट्राविषयी, तसेच सैनिकी माध्यमांद्वारे संवाद चालू आहे. (चीनसमवेत चर्चा करून गेल्या ६० वर्षांत भारताचा बळकावलेला भाग चीनने परत केलेला नाही. त्यामुळे अशा निष्फळ चर्चा करण्यात वेळ घालवण्याऐवजी भारताने सैनिकी स्तरावर हा भाग परत मिळवणे अपेक्षित आहे ! – संपादक)
