अशा संघटनांवर बंदी घालण्याची मागणी कर्नाटकातील भाजप सरकारने केंद्र सरकारकडे केली पाहिजे !
उडुपी (कर्नाटक) – सीएफआय (कॅम्पस फ्रंट ऑफ इंडिया) आणि एसडीपीआय (सोशल डेमोक्रेटिक पार्टी ऑफ इंडिया) या संघटनांनी त्यांचा राजकीय स्वार्थ साधण्यासाठी आणि त्या माध्यमातून मुसलमानांची मते मिळवण्यासाठी हिजाबचा वाद निर्माण केला आहे, असा आरोप भाजपचे येथील आमदार रघुपती भट यांनी केला आहे.
‘या संघटनांनी विद्यार्थी आणि त्यांचे पालक यांची दिशाभूल केली आहे’, असा आरोपही त्यांनी केला. वरील दोन्ही संघटना या पॉप्युलर फ्रंट ऑफ इंडियाच्या शाखा आहेत.
