शिर्डीतील साईबाबा मंदिरात बाँबस्फोट घडवण्याचा आतंकवाद्यांचा कट !

पाकिस्तानातील आतंकवादी संघटनेशी संबंधित ३ धर्मांधांना अटक

हिंदूंची असुरक्षित मंदिरे ! हिंदूंच्या मंदिरांवरील आतंकवादाचे सावट कायमचे दूर   होण्यासाठी हिंदु राष्ट्रच हवे !

नगर – शिर्डी येथील साईबाबा मंदिरात बाँबस्फोट घडवण्याचा आतंकवाद्यांचा कट असल्याची माहिती महाराष्ट्र आतंकवादविरोधी पथकाच्या अन्वेषणात समोर आली आहे. गुजरातच्या आतंकवादविरोधी पथकाने दुबईहून आलेल्या मौलाना पठाण, अयुब झबरावाला आणि मौलाना गनी उस्मानी या तिघांना अटक केली असून त्यांनी शिर्डीतील साईबाबा मंदिराची पहाणी केल्याचे मान्य केले आहे.

या आतंकवाद्यांचा संबंध पाकिस्तानातील एका आतंकवादी संघटनेशी असल्याची माहितीही गुजरातच्या आतंकवादविरोधी पथकाने दिली. संबंधित आतंकवाद्यांकडे शस्त्रे आणि स्फोटक पदार्थ आढळून आले आहेत.

या प्रकरणी आतंकवादविरोधी पथकाने आतापर्यंत एकूण ८ जणांना कह्यात घेतले असून त्यांची कसून चौकशी केली जात आहे. शिर्डीतील सुरक्षाव्यवस्थेत आणखी वाढ करण्यात आली आहे.