केरळमध्ये स्वतःचा कोणताच धर्म नसल्याचे लिहून दिल्यामुळे जन्मतः मुसलमान नृत्यांगनेला मंदिरात भरतनाट्यम् नृत्य सादर करण्यास नकार !

• प्रत्येक मंदिराची आचारसंहिता ठरलेली असते. कुठली गोष्ट कुठे करायची आणि कुणी करायची, त्याचे नियम असतात. त्याचे पालन सर्वांनी केलेच पाहिजे ! – संपादक दैनिक सनातन प्रभात

• मंदिर व्यवस्थापनाने मानसिया यांना ‘त्या हिंदु आहेत का ?’, असे विचारले होते. त्या वेळी त्यांनी ‘माझा कोणताही धर्म नाही’, हे लेखी कळवले होते. यावरून त्यांना अनुमती नाकारण्यात आली, हे येथे लक्षात घ्यायला हवे. मंदिरातील देवता यांच्याविषयी श्रद्धा असणाऱ्यांनाच मंदिरात प्रवेश मिळायला हवा ! – संपादक दैनिक सनातन प्रभात

• ‘स्वतःचा कोणताही धर्म नाही’, असे सांगणाऱ्या मानसिया या मंदिरात प्रवेश करण्याचा आग्रह का धरतात ?’, याचेही कारण हिंदूंना कळायला हवे ! – संपादक दैनिक सनातन प्रभात

विहिंपने पवकुक्लम् मंदिरात दिले निमंत्रण !

नृत्यांगना मानसिया यांना पवकुक्लम् मंदिरात नृत्य सादर करण्यासाठी निमंत्रित केले आहे. ‘हा कार्यक्रम कधी सादर होईल, याचा दिनांक आणि वेळ नंतर कळवण्यात येईल’, असे विहिंपने कळवले आहे.