|
पणजी– अभिलेखागार आणि पुरातत्व संचालनालय यांनी पोर्तुगिजांनी गोव्यातील त्यांच्या क्रूर सत्ताकाळात नष्ट केलेल्या हिंदूंच्या मंदिरांचा शोध घेण्याच्या प्रक्रियेला प्रारंभ केला आहे. राज्य सरकारने संचालनालयाला पुरातत्व स्थळांची सूची सिद्ध करण्यास सांगितले आहे.
Goa begins work on restoring temples destroyed by Portuguese: CM https://t.co/6UbO4vP1D6
— HinduPost (@hindupost) April 8, 2022
मुख्यमंत्री डॉ. प्रमोद सावंत यांनी राज्याच्या अर्थसंकल्पाच्या वेळी पोर्तुगिजांनी नष्ट केलेल्या मंदिरांचा जीर्णोद्वार केला जाणार असल्याची घोषणा केली होती. अभिलेखागार आणि पुरातत्व संचालनालय यांकडे पुरातन महत्त्व असलेल्या ठिकाणांची विस्तृत सूची आहे, तसेच संचालनालयाने सर्व स्थळांच्या सर्वेक्षणाचे कामही हाती घेतले आहे. राज्यात ५० स्थळांना पुरातत्वीय महत्त्व आहे, तसेच ही स्थळे अभिलेखागार आणि पुरातत्व संचालनालय यांनी अधिसूचित केली आहेत. पुरातत्व महत्त्व असलेली २१ स्थळे भारतीय पुरातत्व संचालनालयाने अधिसूचित केलेली आहेत, तसेच अनेक ऐतिहासिक महत्त्व असलेली स्थळे विखुरलेल्या स्थितीत आहेत. नष्ट केलेल्या ठिकाणांची सूची संचालनालयाकडे सध्या नाही. ती सिद्ध केली जाणार आहे.
