विवेक अग्निहोत्री आता देहली दंगलीवर ‘द देहली फाइल्स’ चित्रपट बनवणार !

नवी देहली – ‘द कश्मीर फाइल्स’ चित्रपटाचे दिग्दर्शक विवेक अग्निहोत्री यांनी आता देहली येथे वर्ष २०२० मध्ये झालेल्या दंगलीवर चित्रपट बनवणार असल्याची माहिती दिली आहे. ‘द देहली फाइल्स’ असे या चित्रपटाचे नाव असणार असल्याचे त्यांनी सांगितले. नागरिकता सुधारणा कायद्याच्या विरोधात मुसलमान संघटनांकडून विरोध करण्यात आला होता. त्या संदर्भात ठिकठिकाणी निदर्शने करण्यात आली होती. त्यानंतर येथे दंगल उसळली होती. यात ५४ जण ठार झाले होते, तर मोठ्या प्रमाणात वित्तहानी झाली होती. या प्रकरणी आम आदमी पक्षाचा नगरसेवक ताहिर हुसेन याला अटक करण्यात आली होती.