हुब्बळ्ळी (कर्नाटक) येथील हिंसाचारात रझा अकादमीचाही सहभाग

हुब्बळ्ळी (कर्नाटक) – येथे हनुमान जयंतीच्या दिवशी एका कथित आक्षेपार्ह पोस्ट वरून धर्मांधांनी पोलीस ठाण्यावर आक्रमण केले होते. या प्रकरणी चालू असलेल्या चौकशीतून यामागे रझा अकादमीचाही सहभाग असल्याचे समोर आले आहे. रझा अकादमीवर वर्ष २०१२ मध्ये मुंबईतील आझाद मैदानात हिंसाचार केल्याचा आरोप आहे.

एम्.आय.एम्.चा नेता असणार्‍या मौलाना वसीम याने हुब्बळ्ळीतील एका दर्ग्यामध्ये प्रक्षोभक भाषण दिल्यानंतर धर्मांधांनी पोलीस ठाण्यावर आक्रमण केले होते. त्याला अटक करण्यात आली आहे. त्याच्या चौकशीत तौफीक मुल्ला याचे नाव समोर आले. तो रझा अकादमीचा सदस्य आहे.