विधीमंडळात विषय उपस्थित करणार्‍या शिवसेनेच्या आमदार डॉ. मनीषा कायंदे यांचे हिंदु जनजागृती समितीच्या वतीने अभिनंदन !
हिंदु जनजागृती समितीच्या वतीने श्री. सतीश सोनार आणि श्री. प्रसाद मानकर यांनी डॉ. मनीषा कायंदे यांची भेट घेऊन त्यांचे आभार मानले. याप्रसंगी डॉ. कायंदे यांना अभिनंदनपत्रही देण्यात आले. ‘अशा प्रकारे अन्यही कोणते विषय असल्यास अवश्य कळवा’, असे या वेळी डॉ. मनीषा कायंदे यांनी सांगितले.
मद्यालये किंवा बार यांना देवता, राष्ट्रपुरुष किंवा गड-दुर्ग यांची नावे असल्यास ती पालटण्यासाठी गृहविभागाने ३० जूनपर्यंत मुदत दिली आहे. याविषयी शासनाकडून परिपत्रक काढण्यात आले आहे. डॉ. मनीषा कायंदे यांनी उपस्थित केलेल्या प्रश्नामुळे भविष्यात देवता आणि राष्ट्रपुरुष यांचा अवमान रोखला जाणार आहे.
