मुंबई – महंमद अन्सारी (वय २२ वर्षे) याने त्याची हिंदु प्रेयसी सोनम शुक्ला (वय १८ वर्षे) हिची तारेने गळा आवळून निर्घृण हत्या केली. हत्या करून मंहमद याने तिचा मृतदेह पोत्यात भरून मालाड (पश्‍चिम) येथील नाल्यात फेकून दिला. ‘नाल्यातील मासे मृतदेह खाऊन टाकतील’, या अंदाजाने त्याने ही कृती केली. या प्रकरणी गोरेगाव पोलिसांनी महंमद याला अटक केली आहे. त्याचा बेकरीचा धंदा आहे.
पोलिसांनी दिलेल्या माहितीनुसार, सोनम शुक्ला ही गोरेगाव येथे रहात होती. २५ एप्रिल या दिवशी दुपारी ४ वाजता ती खासगी शिकवणुकीला जाण्यासाठी घरातून निघाली; मात्र रात्री ११.३० वाजेपर्यंत ती घरी आली नाही. यानंतर तिच्या पालकांनी गोरेगाव पोलीस ठाण्यात तक्रार प्रविष्ट केली. त्यानंतर २८ एप्रिल या दिवशी सोनम हिचा मृतदेह अत्यंत विद्रूप स्थितीत आढळला. रुग्णालयात केलेल्या वैद्यकीय पडताळणीनंतर तो मृतदेह सोनम हिचाच असल्याचे आढळून आले.
भाजपचे नेते कपिल मिश्रा यांनी हा ‘लव्ह जिहाद’चा प्रकार असल्याचा आरोप केला. ‘देशभरात अनेक ठिकाणी असे प्रकार घडत असून या प्रकरणावर चर्चा झाली पाहिजे’, अशी मागणीही त्यांनी केली.
