गाझियाबाद (उत्तरप्रदेश) येथे लव्ह जिहाद
गाझियाबाद (उत्तरप्रदेश) – येथे एका मुसलमान तरुणाने भारतीय प्रशासकीय सेवेतील (आय.ए.एस्.) अधिकाऱ्याच्या उच्चशिक्षित मुलीला प्रेमाच्या जाळ्यात ओढून उकळत्या तेलाने तिचा चेहरा जाळण्याची धमकी देत तिच्याशी बळजोरीने विवाह केला. या प्रकरणी मुलीचे पिता असणारे आय.ए.एस्. अधिकारी के. सारंगी यांनी गाझियाबादनगर पोलीस ठाण्यात तक्रार प्रविष्ट केली. यानंतर सदर तरुणाविरुद्ध गुन्हा नोंदवण्यात आला आहे.
के. सारंगी यांनी दिलेल्या माहितीनुसार त्यांची एकुलती एक मुलगी डॉ. हर्ष भारती सारंगी वर्ष २०१६ मध्ये युक्रेनहून एम्.बी.बी.एस्.चे शिक्षण घेऊन भारतात परतली. पुढील शिक्षणासाठी ती ‘इंटर्नशिप’ करू लागली. या वेळी मेरठमधील मवाना येथे रहाणारा अब्दुल रहमान नावाचा एक तरुण तिच्या मागे लागला. तो ‘युनानी’ चिकित्सेचे (मुसलमानांनी शोधलेली चिकित्सा पद्धत) शिक्षण घेत होता. डॉ. हर्ष भारती सारंगी यांचे स्थानांतर देहलीला झाल्यानंतर त्यांची पत्नी आणि मुलगी गाझियाबादमध्येच रहात असतांना अब्दुल याने कट रचून मुलीला प्रेमाच्या जाळ्यात ओढले. या कटात त्यांचा विवाह लावणाऱ्या दोन संस्थांचाही सहभाग आहे. यात त्याला मौलानांनीही साहाय्य केले. एवढेच नाही, तर त्याने उकळत्या तेलाने मुलीचा चेहरा जाळण्याचाही प्रयत्न केला. तिने दुसऱ्याशी विवाह करू नये, यासाठी अब्दुल याने हे पाऊल उचलले.
