अटकेतील संख्या पोचली २० वर !
पलक्कड (केरळ) – जिल्ह्यात गेल्या मासात झालेल्या रा.स्व. संघाच्या एका नेत्याच्या हत्येच्या प्रकरणी आणखी ४ जणांना अटक करण्यात आली आहे. त्यामुळे या प्रकरणात आतापर्यंत अटक करण्यात आलेल्या आरोपींची एकूण संख्या २० वर पोचली आहे, अशी माहिती अतिरिक्त पोलीस महासंचालक (कायदा आणि सुव्यवस्था) विजय साखरे यांनी दिली.
Kerala: All 20 arrested in RSS leader Sreenivasan’s murder case are linked to PFI or SDPIhttps://t.co/SRNGnT1R05
— OpIndia.com (@OpIndia_com) May 4, 2022
या प्रकरणी अटक करण्यात आलेले सर्व २० जण पॉप्युलर फ्रंट ऑफ इंडिया (पी.एफ्.आय.) या संघटनेचे किंवा तिची राजकीय आघाडी असलेल्या ‘सोशल डेमोक्रॅटिक पार्टी ऑफ इंडिया’चे एकतर कार्यकर्ते आहेत किंवा त्यांच्याशी संबंधित आहेत, असेही साखरे म्हणाले. पी.एफ्.आय.चा नेता सुबैर याच्या १५ एप्रिलला झालेल्या हत्येचा सूड उगवण्यासाठी श्रीनिवासन् या संघाच्या पदाधिकार्‍याला मारण्यात आले, असे साखरे यांनी स्पष्ट केले.
