‘मुसलमानांना एक घंटा द्या, एकही हिंदुत्वनिष्ठ जीवंत रहाणार नाही, याची मी निश्‍चिती देते !’

इस्लामी संघटना ‘एस्.डी.पी.आय.’ च्या महिला नेत्या जन्नत अलिमा यांची हिंदुत्वनिष्ठांना धमकी

तिरुनेलवेली (तमिळनाडू) – मुसलमानांना एक घंटा द्या. एकही हिंदुत्वनिष्ठ (संघ, भाजप, हिंदु मुन्नानी, विहिंप यांचे कार्यकर्ते) जीवंत रहाणार नाही याची मी निश्‍चिती देते, अशा शब्दांत इस्लामी संघटना ‘एस्.डी.पी.आय.’च्या महिला शाखेच्या जिल्हाध्यक्षा जन्नत अलिमा यांनी हिंदूंना धमकी दिली. नूपुर शर्मा यांच्या विरोधात तिरुनेलवेली शहरातील पेट्टाई येथे आयोजित केलेल्या एका सभेत त्या बोलत होत्या. त्या पुढे म्हणाल्या, ‘‘आमच्याकडे पुरेसे सामर्थ्य आणि शक्ती आहे. आम्ही एका घंट्यात मुसलमान भारतातील सर्व हिंदुत्वनिष्ठांना ठार मारण्यास सिद्ध आहेत.’’

अधिवक्ता कुत्रालनाथन् यांच्याकडून पोलिसांत तक्रार प्रविष्ट !

अशी तक्रार का प्रविष्ट करावी लागते ? पोलीस स्वतःहून अशांवर कारवाई का करत नाहीत ?

‘हिंदु मुन्नानी’चे राज्य सचिव अधिवक्ता कुत्रालनाथन् यांनी जन्नत अलिमा यांच्या विरोधात पोलिसांत तक्रार प्रविष्ट केली आहे. जन्नत अलिमा यांना राष्ट्रीय सुरक्षा कायद्याखाली अटक करण्यात यावी, अशी मागणी त्यांनी या तक्रारीत केली आहे. ते पुढे म्हणाले, ‘‘एस्.डी.पी.आय.’ आधीच हत्यांच्या खटल्यांचा सामना करत आहे. अलिमा यांच्या धमकीतून ‘एस्.डी.पी.आय.’चे आतंकवादी संघावर आक्रमण करण्यासाठी सिद्ध असल्याचे उघड होते. तमिळनाडूमध्ये कुठलाच अनूचित प्रकार घडू नये, यासाठी या इस्लामी संघटनेची कसून चौकशी करण्यात यावी.’’