बांगलादेशमध्ये हिंदु तरुणीचे फेसबूक खाते ‘हॅक’ करून त्याद्वारे इस्लामविषयी अवमानकारक मजकूर प्रसारित !

हिंदु तरुणीला लक्ष्य करण्याचा डाव !

चितळमारी (बांगलादेश) – बांगलादेशच्या चितळमारी उपजिल्ह्यात एका मुसलमान तरुणाने एका हिंदु तरुणीचे फेसबूक खाते ‘हॅक’ करून त्यावर इस्लामविषयी अवमानकारक मजकूर प्रसारित केला. पोलिसांनी हिंदु तरुणीला कह्यात घेऊन पोलीस ठाण्यात नेले. त्या वेळी जिहादी आतंकवाद्यांनी त्या हिंदु मुलीला ठार मारण्याच्या उद्देशाने पोलीस ठाण्यावर आक्रमण केले.

सदर हिंदु तरुणीने आरोपी मुसलमान तरुणाचा प्रेमसंबंधाविषयीचा प्रस्ताव फेटाळला होता. त्यामुळे तिला लक्ष्य करण्यासाठी तिचे फेसबूक खाते ‘हॅक’ करण्यात आल्याचे नंतर उघड झाले.