मेरठ (उत्तरप्रदेश) येथे मुसलमान मित्रांकडून हिंदु तरुणाची हत्या !

मृतदेहाचे अनेक तुकडे केले !

मेरठ (उत्तरप्रदेश) – येथे एल्.एल्.बी. करणारा २१ वर्षांचा विद्यार्थी यश रस्तोगी याची प्रथम गळा दाबून आणि नंतर चाकूने वार करून हत्या करण्यात आली. या प्रकरणी त्याचेच मित्र  सलमान, शाहवेज, अलीजान आणि इमरान यांना अटक करण्यात आली. हत्येनंतर या चौघांनी यश यांच्या मृतदेहाचे अनेक तुकडे केले आणि ते नाल्यामध्ये फेकून दिले. हत्येपूर्वी या चौघांनी यश यांच्यावर बलात्कारही केला होता, अशी माहिती पोलिसांनी दिली. हे चौघे समलैंगिक आहेत. त्यांचा गटही आहे. यश याने या चौघांचे अश्‍लील व्हिडिओ बनवले होते आणि तो त्यांना ब्लॅकमेल करत होता, असे पोलिसांचे म्हणणे आहे.