राज्यभरात हलालविरोधी कृती समिती स्थापन करून ‘हलाल सक्ती’ला विरोध करणार – सुनील घनवट, महाराष्ट्र आणि छत्तीसगड राज्य संघटक

नागपूर येथे हलालविरोधी कृती समिती स्थापन करण्याचा निर्धार !

नागपूर, २ सप्टेंबर (वार्ता.) – भारत धर्मनिरपेक्ष देश असतांना देशात हलाल प्रमाणपत्राच्या माध्यमातून धर्माच्या नावावर समांतर अशी ‘इस्लामी अर्थव्यवस्था’ निर्माण केली जात आहे. या हलाल अर्थव्यवस्थेमुळे भारतीय अर्थव्यवस्थेला, तसेच राष्ट्राच्या सुरक्षेला धोका निर्माण झाला आहे. अशा हलाल अर्थव्यवस्थेला विरोध करण्यासाठी राज्यभरातील प्रत्येक जिल्ह्यात ‘हलाल सक्तीविरोधी कृती समिती’ स्थापन करण्यात येणार आहे, अशी माहिती हिंदु जनजागृती समितीचे महाराष्ट्र आणि छत्तीसगड राज्यांचे प्रवक्ते श्री. सुनील घनवट यांनी येथील ‘टिळक पत्रकार भवना’त आयोजित पत्रकार परिषदेत दिली. या वेळी अखिल भारतवर्षीय माहेश्वरी महासभेचे सभापती श्री. श्यामसुंदर सोनी, अखिल भरतीय ब्राह्मण महासंघाचे महाराष्ट्र राज्य सचिव श्री. आनंद घारे, हिंदु जनजागृती समितीचे विदर्भ समन्वयक श्री. श्रीकांत पिसोळकर आदी उपस्थित होते.

 क्षणचित्र

या वेळी ध्वनीचित्रफीत आणि ‘पीपीटी’ या माध्यमांतून पत्रकारांना विषय समजावून सांगण्यात आला.

स्रोत: दैनिक सनातन प्रभात