लक्ष्मणपुरी (उत्तरप्रदेश) येथील ‘लव्ह जिहाद’ !
देशातील वाढत्या ‘लव्ह जिहाद’च्या घटना पहाता हिंदु तरुणींच्या सुरक्षेसाठी केंद्र सरकारने तात्काळ पावले उचलणे आवश्यक आहे, असेच हिंदूंना वाटते ! -संपादक
लक्ष्मणपुरी (उत्तरप्रदेश) – येथील दुबग्गा भागात इस्लाम स्वीकारण्यास नकार दिल्याने मुसलमान तरुणाने हिंदु तरुणीला ४ मजल्याच्या इमारतीच्या गच्चीवरून खाली फेकून दिल्याने तिचा मृत्यू झाला. निधी गुप्ता (वय १९ वर्षे) असे या तरुणीचे नाव असून सुफीयान असे मुसलमान तरुणाचे नाव आहे. हे दोघे एकमेकांचे शेजारी आहेत.
निधि मुस्लिम बनने को नहीं थी तैयार, सुफियान ने चौथी मंजिल से फेंका: अब लखनऊ में हिंदू लड़की हुई मजहबी सनक की शिकार#Lucknow #UttarPradesh https://t.co/r6L2auzUXk
— ऑपइंडिया (@OpIndia_in) November 16, 2022
१. पोलिसांनी दिलेल्या माहितीनुसार सुफियान याने निधीला प्रेमाच्या जाळ्यात ओढले होते. तो तिला इस्लाम स्वीकारण्यास दबाव टाकत होता. त्याने निधीला भ्रमणभाष संच दिला होता. याची माहिती निधीच्या कुटुंबियांना मिळाल्यावर त्यांनी सुफीयानच्या घरात जाऊन विचारणा केल्यावर त्यांच्यात कडाक्याचे भांडण झाले. या वेळी निधी गच्चीवर गेली. सुफीयानही तिच्या पाठोपाठ गच्चीवर गेला. सुफीयानने निधीला इमारतीवरून खाली फेकले. यानंतर सुफीयान आणि त्याचे कुटुंबीय पसार झाले आहेत. पोलिसांनी सुफीयानसह त्याच्या कुटुंबियांवर गुन्हा नोंदवला आहे. या घटनेमुळे हिंदुत्वनिष्ठ संघटनाकडून संताप व्यक्त केला जात आहे.
२. निधीच्या आईने सांगितले, ‘सुफीयान आमच्याशीही भांडण करायचा आणि जिवे मारण्याची धमकीही देत असे.’ या प्रकरणावरून दोन्ही कुटुंबातील लोकांमध्ये यापूर्वीही भांडण झाले होते. हे प्रकरण पोलीस ठाण्यात पोचले होते. जिथे पोलिसांनी प्रकरण मिटवले. त्यावेळी सुफीयानवर कोणतीही कारवाई करण्यात आली नव्हती.
स्रोत: दैनिक सनातन प्रभात
