नवी देहली – ‘पठाण’ चित्रपट देशभरात प्रदर्शित झाल्यानंतर अनेक शहरांमध्ये त्याला विरोधही करण्यात येत आहे. उत्तरप्रदेश, मध्यप्रदेश, महाराष्ट्र, कर्नाटक, बंगाल आदी राज्यांतील काही शहरांमध्ये चित्रपटगृहांबाहेर निदर्शने करण्यासह खेळ बंदही पाडण्यात आले आहेत. तसेच चित्रपटाची भित्तीपत्रके आणि फलक फाडण्याच्याही घटना घडल्या आहेत.
'Pathaan' row: #BajrangDal protests in Guwahati; posters of film burnt at a movie theatre.#Pathaan
? Catch the day's latest news ➠ https://t.co/1aJSme0BXu pic.twitter.com/UehWJziatY
— Economic Times (@EconomicTimes) January 21, 2023
१. मध्यप्रदेशातील इंदूरमधील सपना संगीता चित्रपटगृहाबाहेर हिंदु संघटनांकडून निदर्शने करण्यात आल्यानंतर सकाळचा खेळ रहित करण्यात आला. कार्यकर्त्यांनी चित्रपट रहित न केल्यास चित्रपटगृह पेटवून देण्याची धमकी दिली. या वेळी मोठ्या संख्येने पोलीस बंदोबस्त ठेवण्यात आला होता.
२. ग्वाल्हेरमध्ये बजरंग दलाने चित्रपटगृह पेटवण्याची धमकी दिली आहे.
३. उत्तरप्रदेशच्या आगरा येथे हिंदु महासभेच्या कार्यकर्त्यांनी २४ जानेवारीला विरोध करत चित्रपट प्रदर्शित होऊ देणार नाही, अशी चेतावणी दिली होती.
४. कर्नाटकच्या कलबुर्गी येथे चित्रपटगृहावर दगडफेक करण्यात आली.
संदर्भ : दैनिक सनातन प्रभात
