गोवा : दोन शालेय विद्यार्थिनींनी ‘इन्स्टाग्राम’ पोस्टच्या माध्यमातून हिंदूंच्या धार्मिक भावना दुखावल्या

गुन्हे अन्वेषण विभागाकडून गुन्हा प्रविष्ट

पणजी – ‘इन्स्टाग्राम’ अकाऊंट असलेल्या २ शालेय विद्यार्थिंनींनी ‘इन्स्टाग्राम’ पोस्टच्या माध्यमातून हिंदूंच्या धार्मिक भावना दुखावल्या आहेत. हे पोस्ट सर्वत्र फिरू लागल्यानंतर आणि याविषयी माहिती मिळाल्यानंतर गुन्हे अन्वेषण विभागाने त्याची नोंद घेऊन दोन्ही इन्स्टाग्राम’ खातेधारकांच्या विरोधात गुन्हा प्रविष्ट केला आहे.

Dear Sara & Sazia, no matter how many IDs you both create and deactivate, your matter has been taken up with the @Goapolice1091. We know that both of you are 21-22 y/o, so can't even play the minor card here. The law will take its course. Till then continue making sister goals. https://t.co/EnVqoOtQZH pic.twitter.com/BrpAtWuj1J

— Mithie (@_ahania) April 19, 2023

या प्रकरणी अन्वेषणासाठी ‘सायबर क्राईम’ पोलिसांचेही साहाय्य घेतले जात आहे. गुन्हे अन्वेषण शाखेचे पोलीस अधीक्षक निधीन वाल्सन म्हणाले, ‘‘इन्स्टाग्राम’ला पत्र लिहून त्यांच्याकडून या दोन्ही खात्यांतील माहिती मागवली जाणार आहे आणि त्यानंतर त्यांचे खाते बंद करण्यास सांगितले जाणार आहे. संबंधितांच्या विरोधात भारतीय दंड संहितेचे कलम १५३ (अ) उपकलम ३४ आणि माहिती तंत्रज्ञान कायद्याचे कलम ६७ अंतर्गत प्रथमदर्शनी अहवाल नोंदवण्यात आला आहे.’’ ‘इन्स्टाग्राम’वर ‘सारा एक्सईसी’ आणि ‘शाझिया ७७७’ या २ अकाऊंटच्या माध्यमातून हिंदूंच्या धार्मिक भावना दुखावण्यात आल्या आहेत. (खात्यांच्या नावावरून या धर्मांध विद्यार्थिनी वाटत असून लहानपणीच त्यांना हिंदुद्वेषाचे बाळकडू दिले जात असल्याचे स्पष्ट होत आहे. – संपादक दैनिक सनातन प्रभात)

स्रोत : दैनिक सनातन प्रभात