‘शिवशक्ती फूड्स’च्या उत्पादनावरील देवीचे चित्र काढण्याची व्यापार्‍याची सिद्धता !

मुंबई : भाईंदर येथील ‘शिवशक्ती फूड्स’ यांची ‘माँ काली’ नावाने छापलेली कुरमुर्‍याची पिशवी कचर्‍यात आढळून आली. पिशवीच्या चारही कोपर्‍यात कालीमातेची त्रिशूळाच्या रूपात चित्रे होती. एक हिंदु आणि देवीचा भक्त म्हणून हिंदु जनजागृती समितीचे श्री. शिवाजी वटकर यांनी आस्थापनाचे मालक श्री. अनिल देने यांना दूरभाष केला. श्री. वटकर त्यांना म्हणाले, “चित्रातील त्रिशूळाच्या आकारात नथ, डोळे आणि चेहरा दाखवलेली कालीमाता दाखवण्यात आली आहे. हे चित्र असलेली पिशवी शौचालय, कचरा, गटार येथे टाकल्यास देवतेचा अपमान होऊ शकतो. यामुळे पापही लागते.” त्यानंतर श्री. देने यांनी प्लास्टिकच्या पिशवीवरील देवतांची चित्रे काढून टाकण्याचे मान्य केले आणि श्री. वटकर यांचे आभारही मानले. (प्रबोधनानंतर पिशवीवरील चित्र काढून टाकण्याचे तत्परतेने मान्य करणारे श्री. अनिल देने यांचे अभिनंदन ! – संपादक)