यवतमाळ येथे पोलीस प्रशासनाला निवेदन
यवतमाळ : नववर्षोत्सवाच्या नावाखाली ३१ डिसेंबर रोजी राज्यातील किल्ल्यांवर, तीर्थक्षेत्री, प्रेक्षणीय स्थळी आणि सार्वजनिक स्थळी होणारे गैरप्रकार थांबविण्यासाठी हिंदू जनजागृती समितीच्या वतीने येथील जिल्हा पोलीस अधीक्षक कार्यालयाला निवेदन देण्यात आले. या वेळी पोलीस निरीक्षक प्रजापती यांनी हे निवेदन स्वीकारले. या वेळी प्रजापती म्हणाले, ३१ डिसेंबरला पोलीस पहार्‍याचे प्रमाण वाढवण्यात येईल, तसेच कोणाची तक्रार आल्यास त्याची तात्काळ नोंद घेण्यात येईल.
निवेदन देतांना हिंदु जनजागृती समितीचे सर्वश्री प्रा. अनंत अट्रावलकर, पिल्लेवार, अमित जैस्वाल, दत्तात्रय फोकमारे आणि प्रशांत सोळंके उपस्थित होते. त्याचप्रमाणे हिंदू जनजागृती समितीच्या वतीने उपजिल्हाधिकारी राजेश खवले यांना सुद्धा निवेदन देण्यात आले.
नंदुरबार येथे निवासी उपजिल्हाधिकारी आणि अप्पर पोलीस अधीक्षक यांना निवेदन
नंदुरबार : ३१ डिसेंबरच्या रात्री पाश्‍चात्त्य नववर्ष साजरा करण्याच्या नावाखाली होणारे अपप्रकार थांबवावेत तसेच ऐतिहासिक, पर्यटन आणि तीर्थस्थळी मद्यपान, धूम्रपान, मेजवान्या करणे याला बंदी घालणारा अध्यादेश काढावा, अशी मागणी हिंदु जनजागृती समितीने केली आहे.
याविषयी निवासी उपजिल्हाधिकारी नीलेश सागर आणि अप्पर पोलीस अधीक्षक अनिता पाटील यांना २२ डिसेंबर या दिवशी हिंदु जनजागृती समितीच्या वतीने निवेदन देण्यात आले. या वेळी समितीचे डॉ. नरेंद्र पाटील आणि प्रा. डॉ. सतीष बागुल उपस्थित होते.
संदर्भ : दैनिक सनातन प्रभात
