![](https://www.hindujagruti.org/marathi/wp-content/uploads/sites/9/2021/03/t_raja_singh320.jpg)
नगर (महाराष्ट्र) – हिंदु राष्ट्र निर्माण होऊ द्या, त्यानंतर आम्ही अशांना (पॅलेस्टाईनचे समर्थन करणार्यांना) पिंजर्यात बांधून पाकिस्तानात पाठवू, असे विधान तेलंगाणातील हिंदुत्वनिष्ठ आमदार टी. राजासिंह यांनी केले. नगर येथील एका सभेला संबोधित करतांना ते बोलत होते. इस्रायल-हमास युद्धात पॅलेस्टाईनचे समर्थन करतांना एम्.आय.एम्. पक्षाचे खासदार असदुद्दीन ओवैसी यांनी तेथील हिंसाचारासाठी इस्रायलला उत्तरदायी धरले होते. याला प्रत्युत्तर देत राजासिंह यांनी भारत आणि इस्रायल यांचे झेंडे फडकवत इस्रायलला पाठिंबा दिला.
ते पुढे म्हणाले, ‘‘मला कारागृहात जाण्याची भीती वाटत नाही. आतापर्यंत मी गप्प आहे; कारण मी आमदार आहे. मी हरलो, तर मी लव्ह जिहाद्यांना धडा शिकवीन.’’
स्रोत: दैनिक सनातन प्रभात