तमिळनाडूतील द्रमुक सरकारमधील मंत्री उदयनिधी स्टॅलिन यांचे विधान !
- अयोध्येतील श्रीरामजन्मभूमीवर पूर्वी महाराजा विक्रमादित्य याने बांधलेले भव्य श्रीराममंदिर होते आणि ते बाबराने पाडून तेथे मशीद बांधली होती. हा इतिहास असतांना त्याकडे जाणीवपूर्वक दुर्लक्ष करून उदयनिधी मुसलमानांना खुश करण्यासाठी अशा प्रकारचे विधान करत आहेत !
- मंदिर पाडून मशीद बांधली, हे उदयनिधी यांना चालते का ? हे त्यांनी सांगायला हवे ! जर चालत नसेल, तर देशातील साडेतीन लाख मंदिरे पाडून तेथे मशिदी उभ्या राहिल्या आहेत, त्या रिकामी करण्यास ते सांगतील का ? -संपादक
चेन्नई (तमिळनाडू) – द्रमुक (द्रविड मुन्नेत्र कळघम् – द्रविड प्रगती संघ) पक्ष कधीही धर्माच्या विरोधात नाही; मात्र मशीद पाडून मंदिर बांधणे, या गोष्टीचा स्वीकार करता येणार नाही, असे मत द्रमुकचे तमिळनाडूतील मंत्री आणि राज्याचे मुख्यमंत्री एम्.के. स्टॅलिन यांचे पुत्र उदयनिधी स्टॅलिन यांनी पत्रकारांना विचारलेल्या प्रश्‍नावर मांडले. उदयनिधी स्टॅलिन यांनी यापूर्वी सनातन धर्माची तुलना मलेरिया आणि डेंग्यू या रोगांशी केली होती. ‘सनातन धर्माला नष्ट केले पाहिजे’, अशा आशयाची विधाने त्यांच्या नेत्यांकडून केली जात आहेत.
सौजन्य इंडिया टूडे
स्रोत: दैनिक सनातन प्रभात
